मया - डगर पलपला भरे हे मया - मान के का बरोबरी
ऑसू - सँगवारी बन जाथे मया - मान के का बरोबरी ?
मनखे मान के भुखहा होथे मया के पय - डगरी नइ जानय
मन के भाव चॉउर - कस उज्जर मया-मान के का बरोबरी ?
रेंगत - रेंगत गोड पिरा गे तभो मया के थाह नइ मिलिस
नित - नित नवा- नवा हो जाथे मया - मान के का बरोबरी ?
बड - भागी ए वो मनखे हर मया के सुख ल जे बौरत हे
जल - बिन मछरी कइसे जीही मया - मान के का बरोबरी ?
'शकुन' मया ए जी के धक - धक दिखै नहीं फेर जी ले लेथे
जेन जियत हे वो ही बूडथे मया - मान के का बरोबरी ?
ऑसू - सँगवारी बन जाथे मया - मान के का बरोबरी ?
मनखे मान के भुखहा होथे मया के पय - डगरी नइ जानय
मन के भाव चॉउर - कस उज्जर मया-मान के का बरोबरी ?
रेंगत - रेंगत गोड पिरा गे तभो मया के थाह नइ मिलिस
नित - नित नवा- नवा हो जाथे मया - मान के का बरोबरी ?
बड - भागी ए वो मनखे हर मया के सुख ल जे बौरत हे
जल - बिन मछरी कइसे जीही मया - मान के का बरोबरी ?
'शकुन' मया ए जी के धक - धक दिखै नहीं फेर जी ले लेथे
जेन जियत हे वो ही बूडथे मया - मान के का बरोबरी ?
No comments:
Post a Comment