Sunday 7 September 2014

देश धर्म बर जिनगी अर्पित

देश - धर्म बर जिनगी ल अर्पित करना  हे
दाई  के अँचरा ल  आउ उज्जर करना हे ।

कतका सुघ्घर मोर भारत के भुइयॉ हावय
सबो  घर  म जगमग अँजोर ल  भरना हे ।

बेटी  के  रक्षा बर  सब  झन बैठ के सोचव 
मिल जुर के हमला ओकर पीरा  हरना हे ।

गॉव - गॉव  के  होही  साफ - सफाई  भैया
शहर - गॉव  के  नक्शा  सबो बदलना  हे ।

अमर - बेल ल सहन नहीं अब उटकठ होगे
अपन गोड म हर मनखे ल अब  चलना हे ।

No comments:

Post a Comment